Ərəb dünyasında ilk qadın Baş nazir o oldu
Tunis Prezidenti Kais Said Nacla Buden Romdhaneni ölkənin yeni Baş naziri təyin edib.
Busaat.az CNN-ə istinadən xəbər verir ki, 63 yaşlı Nacla Buden Romdhane nəinki Tunisdə, həmçinin Ərəb dünyasında bu vəzifəyə təyin olunan ilk qadındır.
Yeni Baş nazir növbəti bir neçə gün ərzində nazir namizədlərini təqdim etməlidir.
Qeyd edək ki, Romdhane ölkənin universitetlərindən birində mühəndislik sahəsi üzrə professor və Ali Təhsil və Araşdırma Nazirliyində Dünya Bankı proqramının koordinatorudur.
