Erməni müxalifəti Paşinyanın istefasını tələb edirbackend

Ermənistanın 17 müxalif partiyası Dağlıq Qarabağdakı vəziyyətə görə baş nazir Nikol Paşinyanın istefasını tələb edən bəyanat hazırlayıblar.

Busaat.az “RİA Novosti”yə istinadən xəbər verir ki, bəyanatın mətni “Daşnaksutyun” partiyasının saytında yerləşdirilib. Bildirilir ki, müharibə şiddətli, itkilər isə dözülməz və ağırdır.

Müxalifət partiyaları hakimiyyəti bacarıqsızlıq nümayiş etdirməkdə ittiham edib:

“İnsan və ərazi itkiləri, Ermənistanın müttəfiqləri, ən əsası Rusiya ilə qüsurlu münasibətlər açıq şəkildə mövcud hökumətin iflasını göstərir. İtkilərin qarşısını almaq üçün baş nazir Paşinyanın və hökuməti təcili surətdə könüllü şəkildə getməli, təcili olaraq vəziyyəti dəyişə biləcək və hərbi-siyasi problemləri həll edə biləcək yeni bir icra orqanı yaradılmalıdır”.