Erməni ordusunda şok qalmaqal: Əsgərlər əmri yerinə yetirməkdən imtina etdilər

Ermənistanda siyasi vəziyyət gərginləşdikdə, vəziyyət nəzarətdən çıxır. Busaat.az erməni sosial şəbəkə seqmentinə istinadən xəbər verir ki, bu gün saat 16:00- da erməni ordusun İrəvan yaxınlığında yerləşən 3 hərbi hissəsi əmri yerinə yetirməyərək hərbi hissəsini tərk ediblər. Erməni sosial şəbəkə istifadəçiləri iddia edir ki, Ermənistan Prezidenti Armen Sarkisyan öz konstitusiya səlahiyyətləri çərçivəsində Silahlı Qüvvələrin Baş Qərargah rəisi Onik Qasparyanın vəzifəsindən azad edilməsi haqqında qərarı Baş nazir Nikol Paşinyana geri qaytarması hərbiçilər arasında qalmaqala səbəb olub. Baş nazir Nikol Paşinyanın tərəfdarı olan hərbiçilərlə, Baş Qərargah rəisi Onik Qasparyanı dəstəkləyən qüvvələr arasında əlbəyaxa dava düşüb. Sosial şəbəkədə bu haqda yazan mayor Samvel Karapetyan vəziyyətin nəzarətdən çıxdığını bildirib:” Artıq orduda bir neçə qruplaşma formalaşıb. İş o yerə çatıb ki, kapitan rütbəli zabitlər generalların əmrinə tabe olmur. Ordunun parçalanması xaosa gətirir. Artıq bizi orduda xaos hökm sürür. Hamı özbaşına hərbi hissəni tərk edir.”