G7 ölkələri bütün müvafiq tərəfləri Suriyanın ərazi bütövlüyü və milli birliyini qorumağa, müstəqilliyinə və suverenliyinə hörmət etməyə çağırıb.
Busaat.az xəbər verir ki, tərəfdaş ölkələr bu barədə bəyanat imzalayıb. Bəyanatda deyilir:
“Qanunun aliliyinə, ümumbəşəri insan hüquqlarına, o cümlədən qadın hüquqlarına, dini və etnik azlıqlar da daxil olmaqla, bütün suriyalıların müdafiəsinə hörmət edən etibarlı, əhatəli və məzhəbsiz hökumətə gətirib çıxaracaq keçid prosesini dəstəkləyirik”.
Bəyanatda G7 liderləri Bəşər Əsəd rejiminin törətdiyi cinayətlərə görə məsuliyyət daşımasının vacibliyini vurğulayıb.
Zeyd Bağırzadə
