Oilprice yazır ki, Rusiyadan təbii qazın tədarükü azaldığı üçün gələn il Avropanın böyük həcmdə LNG-yə ehtiyacı olacaq.
Oilprice əmtəə şirkəti Trafigura-ya istinadən məlumat verib ki, təbii qaz və LNG bazarlarında dəyişkənliyin davam edəcək.
Trafigura öz icmalında qeyd edib ki, Avropa bu qış ehtiyatlardan istifadə edərək və tələbi azaltmaqla xaosun qarşısını ala bilsə də, Rusiyadan axının kəskin azalması nəzərə alınmaqla 2023-cü ildə böyük həcmdə LNG idxal etməli olacaq.
Qitənin digər əsas tələb mərkəzləri ilə rəqabət apararaq əksər LNG yüklərini cəlb etməyə davam etməsi üçün Avropada təbii qaz qiymətləri yüksək qalmalıdır. Əmtəə treyderi Avropanın gələn qışda və ondan sonra da tədarük təhlükəsizliyinə prioritet məsələ kimi baxacağını bildirib.
ABŞ bu il Avropaya rekord həcmdə LNG göndərib. Reuters, ABŞ-ın bütün LNG yüklərinin 72 faizinin noyabr ayında Avropaya daşındığını təxmin edib.
Bununla belə, bu il Rusiyadan qaz idxalının azalması gələn il Avropaya ciddi problemlər yaradacaq. İyun ayına qədər Rusiya qazının Avropaya tədarükü davam etdiyi üçün Avropa hələ də bu il üçün Rusiya qazının bir hissəsini ehtiyatda saxlaya bilib.
2023-2024-cü ilin qışı ərəfəsində Rusiya qazı olmadan Avropanın qaz tədarükü daha böyük risklərlə qarşılaşacaq. Əgər Rusiya Ukrayna və Türk axını ilə qaz tədarükünü dayandırarsa, Avropa Rusiya qazını idxal edə bilməyəcək.
Busaat.az
