Google One abunə xidməti, 2024-cü ilin fevralından bəri 50 faiz artım göstərərək 150 milyon istifadəçi həddini keçib.
Busaat.az xəbər verir ki, bu artımın əsas səbəbi süni intellekt funksiyalarını əhatə edən yeni abunə planının təqdim olunmasıdır. Aylıq 19,99 dollara təqdim edilən bu yeni AI planı milyonlarla istifadəçi tərəfindən seçilib.
Şirkət, eyni zamanda, yalnız bulud yaddaşı xidməti təklif edən daha ucuz abunə planlarını da saxlayır. Lakin bu planlarda süni intellekt imkanları yer almır.
Qeyd edək ki, Google One platforması Alphabet-in reklamdankənar gəlir mənbələrindən biri kimi qiymətləndirilir və gələcəkdə bu istiqamətdə daha da genişlənəcəyi gözlənilir.
