Kremlə pilotsuz təyyarələrinin hücumu, infrastruktur obyektlərində və dəmir yollarında təxribatlar Ukrayna hakimiyyəti tərəfindən həyata keçirilən terrorizmin təzahürüdür.
Busaat.az xəbər verir ki, bu sözləri Rusiya parlamentinin aşağı palatasındakı fraksiyasının lideri Vladimir Vasilyev Teleqram kanalında bildirib .
“Kremlə hücum, siyasi liderlərə sui-qəsd cəhdləri, dəmir yollarında, elektrik ötürücü xətlərdə və infrastruktur obyektlərində təxribat aktları, o cümlədən Krım körpüsünün partlaması, qaz kəmərində partlayışlar Kiyev rejiminin terror fəaliyyətinin faktlarıdır”, – Vasilyev fraksiyanın Teleqram kanalında deyib.
Deputat “ölkənin suverenlik yoluna qədəm qoyduğu illərdə baha qiymətə əldə etdiyi terrorizmə qalib gəlmək təcrübəsi” olduğunu bildirib və prezident Putinin bunda rolunu yüksək dəyərləndirib.
“Bu gün terror yenidən baş qaldırıb və Rusiyanın tam ürəyini hədəfə alıb. Prezidentə yönələn hücum hər birimizə yönəlib.Hamımız vətəni və prezidenti müdafiə etməliyik”, – deputat əlavə edib.
Qeyd edək ki, mayın 3-də gecə saatlarında iki pilotsuz təyyarə prezidentin Kreml iqamətgahına hücuma cəhd edib. Rusiya hərbçiləri və xüsusi xidmət orqanları onları dərhal sıradan çıxarıblar.
Busaat.az
