“Harri Potter” serialının aktyoru vəfat etdi

“Harri Potter” serialında Albus Dambldor obrazını canlandıran irlandiyalı aktyor Maykl Qambon 82 yaşında vəfat edib.

Busaat.az xəbər verir ki, bu barədə xarici media məlumat yayıb.

Serialda müdrik professor Albus Dambldor obrazı ilə dünya tamaşaçıları tərəfindən tanınan irlandiyalı aktyor Qambon 1960-cı illərin əvvəllərində səhnədə fəaliyyətə başladı. O, daha sonra televiziya və kino sahəsinə keçdi.

Onun ən məşhur rolu 2004-cü ildə Riçard Harrisi əvəz etdikdən sonra, səkkiz film seriyasının üçüncü filmindən götürdüyü “Harri Potter” serialındakı Dambldor rolu idi.

Maykl Con Qambon 19 oktyabr 1940-cı ildə Dublində anadan olub. Onun anası dərzi, atası isə mühəndis işləyib.