Tunis sahillərində qeyri-qanuni miqrantları daşıyan iki qayığın batdığı, 10 nəfərin cəsədinin tapıldığı, 76 nəfərin isə xilas edildiyi bildirilib.
Busaat.az xəbər verir ki, Tunis Milli Təhlükəsizlik Qüvvələrinin sözçüsü Hüsaməddin əl-Cəbabli sosial media hesabından batan qayıqlarla bağlı yazılı açıqlama verib.
Açıqlamada, Hərbi Dəniz Qüvvələrinin nizamsız köç cəhdlərinə qarşı həyata keçirdiyi əməliyyat nəticəsində batmış iki miqrant qayığından 10 nəfərin cəsədinin çıxarıldığı, 76 nəfərin isə xilas edildiyi bildirilib.
Açıqlamada, ölkənin cənub sahillərində əməliyyatların intensiv şəkildə davam etdiyi bildirilib və xilas edilən miqrantların ədliyyə orqanlarına təhvil verildiyi qeyd edilib.
Bildirilib ki, qeyri-qanuni miqrasiya cəhdlərinə qarşı ötən gün keçirilən əməliyyatlarda 57 immiqrant saxlanılıb.
