İndoneziyanın ticarət naziri Zülkifli Həsən sosial media platformalarında satışın qadağan edildiyini açıqlayıb.
Busaat.az xəbər verir ki, bu barədə Tech in Asia məlumat yayıb.
Mənbə bildirib ki, nazir paytaxt Cakartada keçirdiyi mətbuat konfransında sosial media platformalarında satışı qadağan etdiklərini və sözügedən qaydalara əməl etmək üçün bir həftə vaxt verildiyini deyib.
Hökumətin üzbəüz satış edən müəssisələri qorumağı hədəflədiyini qeyd edən Həsən bu qərarla ədalətli və dürüst rəqabət təmin etməyə çalışdıqlarını vurğulayıb.
Nazir Həsən bazar ertəsi verdiyi açıqlamada qeyd edib ki, sosial media və e-ticarət bir-birindən ayrılmalı və şəxsi məlumatların kommersiya məqsədləri üçün istifadəsinin qarşısı alınmalıdır.
Qeyd olunur ki, sosial media platformalarında satış qadağasının ən çox TikTok-a təsir edəcəyi gözlənilir.
TikTok-un Cənub-Şərqi Asiyada 325 milyon aylıq aktiv istifadəçisi olduğu, bunun 125 milyonunun İndoneziyada olduğu bildirilir.
