İngiltərə kralı Almaniya Bundestaqına müraciət etdi: “Avropanın təhlükəsizliyi təhdid altındadır”

image-king-charlesbackend

“Avropanın təhlükəsizliyi təhdid altındadır. Ukraynanın əsassız işğalı çoxlu sayda günahsız insana ağlasığmaz iztirablar yaşatdı”.

Busaat.az xəbər verir ki, bunu İngiltərə kralı III Çarlz Almaniya Bundestaqındakı çıxışında deyib.

İngiltərə kralı III. Çarlz taxta çıxdıqdan sonra ilk xarici səfərini Almaniyaya edib. Kral III Çarlz həyat yoldaşı Kraliça Kamilla ilə Almaniya prezidenti Frank-Valter Ştaynmayer və xanımı Elke Büdenbenderin dəvəti ilə dünən paytaxt Berlinə gəlib.

Bu gün Bundestaqda çıxış edən Çarlz Rusiya-Ukrayna müharibəsinə toxunaraq deyib: “Avropanın təhlükəsizliyi təhdid altındadır. Ukraynanın əsassız işğalı bu qədər günahsız insana ağlasığmaz əzablara səbəb olub. Saysız-hesabsız insan həyatı məhv edilib. Azadlıq və insan ləyaqəti üçün bu ən qəddar hərəkətdir. Demokratik dəyərlərimizlə birlikdə Avropanın təhlükəsizliyi də təhdid edilib. Biz birlikdə ayıq olmalı və dəyərlərimizə və azadlıqlarımıza qarşı təhdidlərə qarşı qətiyyətli olmalıyıq. Xalqımızın layiq olduğu təhlükəsizlik və rifah üçün birlikdə çalışmalıyıq”.

Çıxışında İngiltərə ilə Almaniya arasındakı dostluğa toxunan Kral Çarlz əlavə edib: “Bu dostluq mərhum Kraliça (II Elizabet – red.) anam üçün çox şey ifadə edib. Almaniya, onun xalqı və özünəməxsus mədəniyyəti məndə dərin təəssürat yaratdı. Mən onun fərqli xüsusiyyətləri ilə tanış böyüdüm. Bir çox britaniyalı kimi mənim də burada şəxsi əlaqələrim var”.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90