İran hicab taxmadığı üçün bu aktrisaları “Qara siyahı”ya saldı - ADLAR

İran hicab taxmaqdan imtina etdiyi üçün filmlərdə oynaması qadağan edilən aktrisaların rəsmi siyahısını açıqlayıb.

Busaat.az xəbər verir ki, bu sözləri İranın Kino Peşəkar Qiymətləndirmə və Nəzarət Baş İdarəsinin rəis müavini Həbib İl Beqi deyib.

Pul artıq xərcləndiyinə görə, qadağa hicabsız aktrisaların iştirakı ilə çəkilmiş filmlərə təsir etməyəcək. Bununla belə, onların yeni film layihələrində görünməsi qadağan ediləcək.

Məlumata görə, bu aktrisalar daha kino karyeralarını davam etdirə bilməyəcəklər.

“Bu layihələrə külli miqdarda vəsait yatırıldığını nəzərə alaraq, kino istehsalçılarının maraqlarına hörmət etmək məqsədilə onların əvvəlki əsərləri  yayımlanacaq. Lakin onların gələcək filmlərdə iştirakına qadağa qoyulacaq”, – deyə rəsmi bildirib.

Qeyd edək ki, “Qara siyahı”ya Baran Kosari, Vişka Asayeş, Tarane Alidoosti, Katayoun Riahi, Pantea Bahram, Hengame Ghaziani, Pega Ahangarani və başqa bir neçə məşhur İran aktrisası daxil edilib.

Pəri Əlizadə,
Busaat.az