“İran Rusiyaya yüzlərlə PUA verməyə hazırlaşır” - Ceyk Sallivan

“Rusiya Ukraynadakı müharibədə istifadə etmək üçün İrandan yüzlərlə pilotsuz uçuş aparatı istəyib”.

Busaat.az  xəbər verir ki, bu barədə məlumatı “Associated Press” agentliyi yayıb.

Agentlik yazır ki, ABŞ Prezidentinin milli təhlükəsizlik üzrə köməkçisi Ceyk Sallivanın sözlərinə görə, İranın Rusiyaya artıq hansısa PUA göndərməsi hələ ki məlum deyil.

Bununla belə, Sallivan qeyd edib ki, ABŞ İranın bu ay Rusiya qüvvələrinə onlardan istifadə üzrə təlim keçməyə hazırlaşdığına dair məlumatlara sahibdir.

“Bizdə olan məlumata görə, İran rəhbərliyi Rusiyaya bir neçə yüzə qədər PUA göndərməyə hazırlaşır. Bunlar sırasında silah daşıya bilən aparatlar da var”, – deyə Sallivan söyləyib.