İran səfiri Almaniya XİN-ə çağırılıb

 Almaniya İranda davam edən təhlükəsizlik tədbirlərinə etiraz olaraq İran səfirini Xarici İşlər Nazirliyinə çağırıb.

Busaat.az xəbər verir ki, bu barədə Xarici İşlər Nazirliyinin sözçüsü Andrea Sasse Berlində açıqlaması zamanı bildirib.

“Mən təsdiq edə bilərəm ki, həm Tehrandakı səfirimiz, həm də İranın Berlindəki səfiri dünən müvafiq xarici işlər nazirliklərində görüşə dəvət olunublar. Biz federal hökumətin mövqeyini çox aydın ifadə etdik” – deyə, açıqlamada bildirilib.

Qeyd edək ki, Sentyabrın 16-da İranda 22 yaşlı Məhsa Əmininin polis tərəfindən öldürülməsi ilə başlayan hökumət əleyhinə etirazlardan sonra Almaniya üçüncü dəfə İran səfirini Xarici İşlər Nazirliyinə çağırıb.

Busaat.az