İraqın Mosul şəhərində şadlıq sarayında meydana gələn yanğında 113 nəfər həyatını itirib, 60-ı ağır olmaqla 150 nəfər yaralanıb.
Busaat.az xəbər verir ki, bu barədə ölkənin İNA xəbər agentliyi məlumat yayıb.
Yanğın zamanı şadlıq sarayında 800 nəfərin olduğu bildirilib.
Mənbənin məlumatına görə, toya ev sahibliyi edən bəylə gəlinin səhhəti yaxşıdır.
Yanğın bölgəsinə ətraf əyalətlərdən çoxlu yanğınsöndürmə briqadaları və təcili yardım maşınları göndərilib.
Səlahiyətlilər partlayışa atəşfəşanlığın səbəb olduğunu ehtimal edirlər.
Ölkənin daxili işlər naziri Əbdüləmir Şammarinin də bölgəyə gedəcəyi açıqlanıb.
