Ermənistanın Noyamberyan rayonunun Ayrım kəndində hava hücumu zamanı əhalinin xəbərdar edilməsi, sığınacağa yerləşdirilməsi və təxliyəsi üzrə təlimlər keçiriləcək.
Busaat.az xəbər verir ki, bu barədə Ermənistanın Daxili İşlər Nazirliyinin Xilasetmə Xidməti məlumat yayıb.
“Avqustun 5-də saat 10:00-dan 15:00-dək Noyemberyanın Ayrum (Ayrım) kəndində “Hava hücumu zamanı əhalinin xəbərdar edilməsi, sığınacaqlara yerləşdirilməsi və təxliyəsi üzrə işin təşkili” çərçivəsində təlim keçiriləcək”, – məlumatda bildirilib.
Qeyd edək ki, rəsmi İrəvan son günlər Azərbaycanla sərhəddə yerləşən ərazilərdə bənzər təlimlər keçirir. Sülh prosesinin davam etdiyi məqamda Ermənistanın belə təlimlər keçirməsi birmənalı qarşılanmır.
