İsrail ordusu, husilərin Ben Qurion hava limanı yaxınlığına təşkil etdiyi raket hücumuna cavab olaraq, Yəmənin Hudeyda və Salif limanlarına hava zərbələri endirib.
Busaat.az xəbər verir ki, İsrail tərəfi bu limanların silah daşınmasında istifadə edildiyini iddia edib. Husi rəsmiləri isə hücumlar nəticəsində ciddi dağıntıların baş verdiyini açıqlayıblar.
İsrailin müdafiə naziri İsrael Katz bəyan edib ki, hücumlar davam edəcəyi təqdirdə, husilərin lideri Əbdül-Malik Əl-Huti birbaşa hədəf alınacaq.
Regionda gərginliyin daha da artacağı ehtimal olunur.
Şövkət Əliyeva
