İtaliyada Mussoliniyə rəğbət bəsləyənlər aksiya keçirib
İtaliyada diktator Benito Mussoliniyə rəğbət bəsləyənlər 1922-ci ilin oktyabrında faşist liderin hakimiyyəti ələ keçirməsinin 100-cü ildönümünü “Qaraköynəklilər” adlı qrupla Romaya yürüş edərək qeyd ediblər.
Busaat.az xəbər verir ki, Mussolininin doğulduğu və məzarının yerləşdiyi Predappio qəsəbəsinə toplaşan 2000 nəfərə yaxın qrup faşist liderinin “Duce” kimi tanınan məzarına doğru yürüş edib. Qeyd edilib ki, qrup üzvləri tez-tez “Roma və ya nasist salamı” kimi tanınan sağ əlini şaquli və üfüqi qaldıraraq Benito Mussolini lehinə şüarlar səsləndiriblər.
Qrupun əllərində böyük İtaliya bayrağı və Mussolini bayraqları olduğu, yürüşə qatılanların isə 100 il əvvəl faşist liderinin Romaya yürüş etdiyi “Qara köynəklilər”ə aid qara köynək geyindiyi bildirilib. Mussolininin nəvəsi Orsola Mussolini də anım yürüşündə iştirak edənlərə təşəkkür edib.
Qeyd edək ki, İtaliyada sentyabrın 25-də keçirilən ümumi seçkilərdə Mussoliniyə və faşist dövrünə rəğbət bəsləyən ifrat sağçı Giorgia Meloninin rəhbərlik etdiyi “İtaliya Qardaşları” partiyası qalib gəlib. Meloni və onun rəhbərlik etdiyi sağçı ittifaqın Mussolininin Romaya tarixi yürüşünün 100-cü ildönümündə, yəni oktyabrın 22-də sağ koalisiya hökumətini qurması maraqlı bir təsadüf kimi qələmə verilib.
Busaat.az
