Artvinin Şavşat rayonunda 203 gün əvvəl itkin düşən fəhlə Murat Gezerin meyiti meşəlik ərazidə aşkarlanıb.
Busaat.az xəbər verir ki, 41 yaşlı Gezer 2024-cü ilin oktyabrında Samsundan Şavşata mövsüm işçi kimi gəlmiş və bir gün sonra yoxa çıxmışdı. Ailəsinin müraciəti əsasında başlanan axtarışlar qış aylarında dayandırılmışdı.
Yazın gəlişi ilə bərpa olunan axtarışlar nəticəsində 16 may 2025-ci ildə Karaağaç kəndi yaxınlığında onun cansız bədəni tapılıb.
Faktla bağlı Şavşat Prokurorluğunda araşdırma aparılır.
Nərmin Səmidova
Busaat.az
