Əfqanıstanın paytaxtı Kabulda içməli su böhranı getdikcə dərinləşir.
Busaat.az xəbər verir ki, şəhərin əsas su mənbəyi olan yeraltı suların 80%-i çirklənib, nəticədə illik 76 milyon kubmetr su çatışmazlığı yaranıb.
Hazırda əhali yalnız 20% nisbətində su təchizatı sisteminə qoşulub. Bir çox sakinlər suyu təkrar istifadə etməyə məcbur qalır, bəzi ailələr isə su və yemək arasında seçim etmək zorunda qalır.
Taliban hökuməti vəziyyəti kiçik bəndlərin tikintisi ilə yüngülləşdirməyə çalışsa da, 300–400 milyon dollarlıq iri su layihələri üçün maliyyə imkanları çatışmır.
Bundan əlavə, beynəlxalq təşkilatlar bir çox layihəni dayandırıb və maliyyə dəstəyini kəsib, bu da böhranı daha da ağırlaşdırır.
Şövkət Əliyeva
