Çeçenistanın rəhbəri Ramzan Kadırov böyük qızı Ayşat Kadırovanın siyasətdən getməsini dəstəklədiyini, bunu o qədər də qadın işi hesab etmədiyini bildirib.
Busaat.az xəbər verir ki, Kadırov eyni zamanda qızının moda sənayesindəki biznesindən əlavə, yaxşı getdiyi başqa biznes layihələrinin də olduğunu vurğulayıb.
“Mən bu haqda düşündüm və özüm üçün qərara gəldim ki, siyasət əslində qadın işi deyil, xüsusən də Çeçenistanda. Ona görə də Ayşat özü getmək arzusunu bildirəndə razılaşdım. O, indi təkcə dəblə məşğul deyil. Onun başqa biznes layihələri də var və bu layihələrin öhdəsindən çox yaxşı gəlir. Yeri gəlmişkən, təkcə Ayşat deyil, daha iki qızım da siyasətdən getdi”, – deyə Çeçenistan rəhbəri bildirib.
Xatırladaq ki, 2025-ci ilin fevralında Çeçenistan rəhbərinin böyük qızı Ayşat Kadırova respublika hökumətinin baş nazirinin müavini vəzifəsini tərk etdiyini və moda biznesinə qayıtdığını elan edib. 2
O, 2016-cı ildən “Firdaws” moda evinin direktorudur.
Yeganə
