Səudiyyə Ərəbistanı 2023-cü ilin sonuna qədər gündəlik neft hasilatını bir milyon barel könüllü azaltmaq tədbirlərini davam etdirmək qərarına gəlib.
Busaat.az xəbər verir ki, bu barədə Səudiyyə Mətbuat Agentliyi Energetika Nazirliyindəki rəsmi mənbələrə istinadən məlumat yayıb.
“Energetika Nazirliyindəki rəsmi mənbə Səudiyyə Ərəbistanı Krallığının 2023-cü ilin iyulunda tətbiqinə başlanan və daha sonra 2023-cü ilin dekabr ayının sonuna qədər uzadılan gündəlik bir milyon barel könüllü ixtisarı davam etdirəcəyini açıqladı”, – agentlik bildirib.
Ölkə tədbirə növbəti baxış keçirməyi və gələn ay neft hasilatının artırılması və ya azaldılması imkanlarını nəzərdən keçirməyi planlaşdırır.
