“Vaşinqton Ukrayna neonasistlərinin qüvvələrindən istifadə edərək, Rusiyaya qarşı müharibə aparır”.
Busaat.az “TASS”a istinadən xəbər verir ki, bunu Rusiya xarici işlər naziri Sergey Lavrov mətbuat konfransında deyib.
Onun sözlərinə görə, ABŞ Ukrayna rejiminin əli ilə Rusiyaya hücum edib və Rusiya ərazisini uzaqmənzilli silahlarla atəşə tutmaqda Ukraynaya köməklik edir:
“Biz heç kimə hücum etmək istəmirik, indi ABŞ Ukrayna rejiminin əli ilə bizə hücum edib. ABŞ Ukrayna neonasistlərinin qüvvələri ilə bizə qarşı müharibə aparır, onları silahlandırır, ərazimizi uzun müddət atəşə tutmağa kömək edir. Bu cür hücumların hazırlanmasında birbaşa iştirak etmək bizim seçimimiz deyil.
Putin dəfələrlə bildirib ki, bizim xüsusi hərbi əməliyyata başlamaqdan başqa çarəmiz qalmadı. Qərb uzun müddətdir ki, Ukraynanı Rusiyaya qarşıtəhdid yaratmaq üçün tramplinə çevirib”.
Zeyd Bağırzadə
