Rusiyanın xarici işlər naziri Sergey Lavrov və meksikalı həmkarı Alisiya Barcena çoxtərəfli platformalarda dialoqun davam etdirilməsində maraqlı olduqlarını deyiblər.
Busaat.az TASS-a istinadən xəbər verir ki, bu barədə Rusiya Xarici İşlər Nazirliyi məlumat yayıb.
“Tərəflər BMT, 20-lik Qrupu, Asiya-Sakit Okean İqtisadi Əməkdaşlıq Təşkilatı (APEC) və digər çoxtərəfli platformalar çərçivəsində sıx əməkdaşlığın davam etdirilməsində maraqlı olduqlarını ifadə edərək, əsas beynəlxalq və regional məsələlər ətrafında fikir mübadiləsi aparıblar. Rusiya və Meksika həmçinin beynəlxalq hüquqa və aktual qlobal problemlərin həlli yollarının birgə axtarışına sadiqliklərini təsdiqləyiblər”, – deyə məlumatda bildirilir.
“Onlar ikitərəfli siyasi dialoqun gücləndirilməsi, ticarət-iqtisadi, elmi-texniki əməkdaşlığın artırılması və mədəni və humanitar əlaqələrin genişləndirilməsi səylərinə xüsusi diqqət yetiriblər”, – Rusiya XİN əlavə edib.
