Moskva qeyri-regional oyunçuların Əfqanıstanda və onun ətrafında fəaliyyətlərini aktivləşdirmək cəhdlərindən narahatdır.
Busaat.az xəbər verir ki, bu barədə Rusiyanın xarici işlər naziri Sergey Lavrov Əfqanıstan üzrə Moskva formatında məsləhətləşmələrin iştirakçılarına yazılı müraciətində bildirib.
Rusiya prezidentinin Əfqanıstan üzrə xüsusi nümayəndəsi Zamir Kabulovun görüşdə oxuduğu məktubda baş rusiyalı diplomatın müraciətində deyilir: “Biz regiondankənar oyunçuların Əfqanıstan istiqamətində daha fəal olmaq cəhdlərindən narahatıq”.
Lavrovun fikrincə, region ölkələrinin NATO blokuna üzv dövlətlərlə səylərini tam şəkildə birləşdirmək yalnız o halda mümkündür ki, sonuncular NATO-da 20 illik hərbi mövcudluqlarının bədbəxt nəticələrinə görə məsuliyyətlərini tam etiraf etsinlər.
“Əfqan xalqına düzəlməz zərər vurmuş Qərb ölkələri Əfqanıstanın münaqişədən sonrakı bərpasının əsas yükünü öz üzərinə götürməlidir”, – baş rusiyalı diplomat vurğulayıb.
“Bu baxımdan, Vaşinqtonun Əfqanıstan banklarının aktivlərini dondurması əks effekt verir və yalnız vəziyyəti gərginləşdirir. Sıravi əfqanların onsuz da ağır olan həyat şəraitini çətinləşdirir”, – Lavrov yekunlaşdırıb.
