“Şanxay Əməkdaşlıq Təşkilatı (ŞƏT) və MDB-nin Avrasiya məkanında potensialı çox böyükdür”.
Bakıvaxtı.az “TASS”a istinadən xəbər verir ki, bunu Rusiyanın xarici işlər naziri Sergey Lavrov deyib.
O, bildirib ki, MDB və ŞƏT-ə üzvlük çoxlu oxşar cəhətlərə malikdir. Bu, ildən-ilə daha da zənginləşən və konkretləşən strukturlar arasında sıx əməkdaşlığı şərtləndirir.
“Assosiasiyalar böyük iqtisadi, maddi-texniki və yaradıcı potensiala malikdir. Bu potensial hər il təşkilatların bütün iştirakçılarının xeyrinə olan konkret layihələrdə daha çox reallaşır”, – deyə nazir vurğulayıb.
Qeyd edək ki, oktyabrın 9-da Moskvada MDB, KTMT və ŞƏT-in yüksək səviyyəli inzibati rəsmilərinin görüşü keçiriləcək. Görüşün nəticələri MDB, KTMT və ŞƏT-in yüksək səviyyəli inzibati rəsmilərinin qarşıdan gələn növbəti iclasının hazırlanmasında nəzərə alınacaq.
