Liviyanın şərqində Nümayəndələr Palatasının təyin etdiyi hökumət sentyabrın 10-da sel fəlakəti səbəbilə ailələrini itirmiş uşaqları dövlət himayəsinə götürmək qərarına gəlib.
Busaat.az xəbər verir ki, bu barədə hökumətin baş naziri Üsamə Hammadin rəsmi Facebook səhifəsində məlumat dərc olunub.
Qərarın birinci maddəsinə görə, Derne və ətraf şəhərləri vuran Daniel Fırtınasında ailələrini itirmiş bütün Liviyalı uşaqlara “dövlət himayəsində” statusu veriləcək.
İkinci maddəyə görə, dövlət qərar çərçivəsində hər bir uşağa sosial və psixoloji yardım edəcək. Bu çərçivədə uşaqlara aylıq müavinətlər veriləcək, onların yerləşdirilməsi üçün münasib yerlər ayrılacaq, təhsil və müalicə xərcləri qarşılanacaq.
Üçüncü maddəyə görə, kimsəsiz uşaqların müəyyən edilməsi üçün yaradılacaq ekspert komissiyası ən geci bir ay ərzində öz işini başa çatdıracaq.
