Liviyada daşqın nəticəsində ölənlərin sayı 7 mini ötüb.
Busaat.az xəbər verir ki, bu barədə Liviya Nümayəndələr Palatasının spikeri Abdullah Belhaiq Misirin Əl-Qahirə telekanalına bildirib.
O, həmçinin qeyd edib ki, daşqından zərər çəkmiş ərazilərdə səyyar xəstəxanalar yerləşdirilib.
“Dernadakı xəstəxanaların çoxu işləmir. Xidmətlər humanitar yardımın paylanmasında çətinliklərlə üzləşir”,- spiker söyləyib .
Daha əvvəl Al Hadath telekanalı yalnız Dernada qurbanların sayının 6000 nəfər olduğunu bildirmişdi. Bu məlumatı çərşənbə günü qərargahı Tripolidə yerləşən Liviya Milli Birlik Hökumətinin Səhiyyə Nazirliyi təsdiqləyib. Agentlik həmçinin bildirib ki, ölənlərin sayının 10 minə çatacağı ehtimal olunur.
Xatırladaq ki, sentyabrın 10-da Liviyanın şimal-şərqini “Daniel” qasırğası vurub. Aralıq dənizi sahillərində yerləşən şəhərlərdə tufan küləkləri, güclü yağış və ildırım çaxıb. Çoxlu evlər, xəstəxanalar və digər mühüm mülki obyektlər su altında qalıb. Ən çox Derna şəhəri zərər çəkib.
