Minsk, Moskva və Pxenyan üçtərəfli əməkdaşlıq haqqında düşünməlidirlər.
Busaat.az xəbər verir ki, bu barədə Belarus prezidenti Aleksandr Lukaşenko Rusiya lideri Vladimir Putinlə görüşdə deyib.
“Mən sizin son ağır iş günlərinizi diqqətlə izlədim. Sizi və Kim Çen Inı “Vostochnıy” kosmodromunda görmək xoş idi. Çünki mən özüm orada idim. Siz və mən bu kosmodromda əvvəllər olmuşuq. İnanıram ki, biz üçtərəfli əməkdaşlığı nəzərdən keçirə bilərik. Əminəm ki, Şimali Koreyalılar sizinlə çox maraqlanır. Düşünürəm ki, mövcud problemləri nəzərə alaraq Belarus üçün də müəyyən işlər olacaq”, – Lukaşenko bildirib.
O. rusiyalı həmkarına xüsusilə Ekvatorial Qvineya prezidentinin ölkəyə son səfərini nəzərə alaraq Afrika ölkələri ilə əməkdaşlıq barədə danışmaq niyyətində olduğunu da açıqlayıb.
Xatırladaq ki, sentyabrın 13-də Rusiya prezidenti Vladimir Putin Şimali Koreya lideri Kim Çen Inla Amur vilayətindəki “Vostochnıy” kosmik limanında görüşüb. İki lider Koreya yarımadasında və Avropada hərbi-siyasi vəziyyəti, həmçinin strateji və taktiki əməkdaşlığın gücləndirilməsini müzakirə ediblər.
