Belarus prezidenti Aleksandr Lukaşenko Rusiya və Belarusun iqtisadiyyatının gələn il sanksiyalardan əvvəlki səviyyəyə çatacağını gözlədiyini bildirib.
Busaat.az xəbər verir ki, o, bu barədə Soçidə Rusiya prezidenti Vladimir Putinlə görüşündə bildirib.
“İnanıram ki, gələn il bizim üçün yaxşı keçəcək və biz iqtisadiyyatlarımızın sanksiyalardan əvvəlki səviyyəsinə çatacağıq”, – Lukaşenko söyləyib.
O əlavə edib ki, Rusiya və Belarus birlikdə çalışaraq yanacaq bazarını sabitləşdirə biliblər. “Demək istərdim ki, yanacaq bazarında bəzi problemlər var. Biz vəziyyəti sabitləşdirdik və hökumətin tələb etdiyi məbləği təmin etdik”, – Belarus lideri vurğulayıb.
