Madriddə minlərlə taksi sürücüsü Plaza de Castilla-nın qarşısını kəsib.
Busaat.az xarici mediaya istinadən xəbər verir ki, taksi sürücülərinin mübarizəsi ictimai xidmətlər, əməyin istismarına qarşı və xidmətin keyfiyyəti uğrunda mübarizəyə hədəflənib.
Bu yolla taksi sürücüləri son aylarda üçüncü etiraz aksiyasında Madrid Muxtar İcması Hökumətinin prezidenti İzabel Diaz Ayusonun sektoru böyük biznesin, Uber, Cabify və Bolt kimi şirkətlərin ixtiyarına verən siyasətinə qarşı çıxırlar.
Hazırda yerli hökumət yeni qaydalar hazırlayır ki, bu da digər məsələlərlə yanaşı, taksilərin istənilən vaxt – sutkanın 24 saatı, həftənin hər günü sərbəst hərəkət etməsinə imkan verəcək. Həmçinin istifadəçilər başqa insanları daşıyan avtomobildə yer rezerv edə bilir ki, bu da hər bir sərnişin üçün səfərin qiymətini aşağı salacaq. Lisenziyaların verilməsi və sürücülərin işə qəbulu prosesi də sadələşdiriləcək.
RTVE-nin məlumatına görə, aksiyada 6 minə yaxın taksi sürücüsü iştirak edib.
