Nigerin Vətənin Mühafizəsi üzrə Milli Şurasının rəhbəri general Abdurahamane Çiani Burkina-Faso və Mali müdafiə və təhlükəsizlik qüvvələrinə Niger ərazisinə girməyə icazə verən sərəncam imzalayıb.
Busaat.az xəbər verir ki, bu barədə Nigerian de Presse məlumat yayıb.
Agentlik bildirir ki, Abdurahamane Çiani avqustun 24-də müvəqqəti hökumətin başçısı Əli Lamine Zeynə Mali və Burkina-Fasonun nazir heyətləri ilə görüşüb.
Nümayəndə heyətləri Nigerlə birlikdə terrorizm və ekstremizmlə mübarizə aparmaq istəklərini təsdiqləyiblər. Üç ölkənin nümayəndələri terrorçu qrupların fəaliyyətinə qarşı mübarizədə səmərəliliyin artırılması məqsədilə əməkdaşlıq mexanizmlərinin gücləndirilməsi, kəşfiyyat məlumatlarının mübadiləsi və birgə əməliyyatların aparılmasının zəruriliyini vurğulayıblar.
Agentlik xəbər verir ki, Niger, Burkina Faso və Mali bir-birinə təcavüz və ya terror hücumları zamanı müdafiə və təhlükəsizlik sahəsində qarşılıqlı müdafiə imkanları və yardım etmək barədə razılığa gəliblər.
