Malidə iki ayrı terror aktı nəticəsində 49 mülki şəxs və 15 əsgər həyatını itirib. Ölkədə 3 günlük milli matəm elan edilib.
Busaat.az xəbər verir ki, bu barədə Mali ordusu açıqlama yayıb.
Timbuktu bölgəsindən keçən Niger çayı üzərində hərəkət edən sərnişin qayığına raketlərlə hücum edildiyi bildirilib.
3 raketin gəminin mühərrikinə dəyməsi nəticəsində 49 nəfər həlak olub.
Yerli mətbuatda 300 nəfərin olduğu qayığın ciddi zədələrə qarşı sahilə yaxınlaşa bildiyi deyilir.
Digər hücum: 15 əsgər həlak olub
Digər tərəfdən, Qao bölgəsindəki Bamba rayonunda yerləşən əsgərlərə təşkil edilən hücumda 15 əsgərin şəhid olduğu bildirilib.
Hökumətin verdiyi açıqlamada hər iki hücumda həyatını itirənlər üçün sentyabrın 8-i gecə yarısından başlayaraq 3 günlük milli matəm elan edildiyi deyilib.
Hücumları Məqrib Əl-Qaidənin (AQIM) Saheldə məsul olan qanadı olan Camaat Nusra əl-İslam və Müslim (JNİM) öz üzərinə götürüb.
Sentyabrın 3-də Niger çayının Mopti bölgəsindən keçən hissəsində daha bir qayığa hücum edilib və hadisə nəticəsində bir uşaq ölüb.