Səudiyyə Ərəbistanının Məkkə şəhərində güclü yağış zamanı Kral Saat Qülləsinə ildırım düşüb.
Busaat.az xəbər verir ki, bu barədə İHA məlumat yayıb.
Məkkədə dünyanın ən hündür binalarından biri olan Kral Saat Qülləsini 601 metr hündürlükdə ildırım vurub və gecənin gündüzə çevrildiyi anlar kameralara düşüb.
Şiddətli yağışa baxmayaraq, Kəbədəki müsəlmanlar namaza davam ediblər.
Səudiyyə Ərəbistanının Mülki Müdafiə Baş İdarəsi Səudiyyə xalqını və turistləri leysan yağışları və daşqınlara qarşı xəbərdar edib. Həmçinin, elektrik cərəyanı keçirən metal əşyalarla təmasdan çəkinməyə çağırıb.
