Meksikanın cənubunda immiqrantları daşıyan yük maşınının aşması nəticəsində 10 nəfər ölüb, 15 nəfər yaralanıb.
Busaat.az xəbər verir ki, bu barədə Associated Press (AP) agentliyi məlumat yayıb.
Çiapas əyalətinin səlahiyyətliləri qəzanın Qvatemala sərhədindən 175 kilometr aralıda, Pijijiapan şəhəri yaxınlığındakı magistral yolda baş verdiyini açıqlayıb.
İlkin məlumatlara görə, qəza nəticəsində 10 mühacir həyatını itirib, 15 nəfər yaralanıb. Lakin ölənlərin milliyyəti barədə məlumat verilməyib.
Hələlik xəsarət alanların neçəsinin mühacir olduğu, sağlamlıq vəziyyəti və milliyyəti ilə bağlı məlumat yoxdur.
