Mərakeş hökuməti zəlzələdən zərər çəkmiş hər ailəyə 1 il ərzində ayda 250 dollar yardım edəcək.
Busaat.az xəbər verir ki, bu barədə nazir müavini Fevzi Laçka yerli mətbuata açıqlamasında bildirib.
Nazirin sözlərinə görə, hökumət bu aydan başlayaraq ölkədə zəlzələdən zərər çəkmiş hər ailəyə ayda 2 min 500 dirhəm (250 dollar) yardım edəcək.
O, təbii fəlakət zamanı evləri dağılan şəxslərə 140 min dirhəm (təxminən 14 min dollar), qismən zədələnmiş evlərin bərpası üçün isə 80 min dirhəm (təxminən 8 min dollar) dəstək veriləcəyini bildirib.
Laçkanın sözlərinə görə, zəlzələdən zərər çəkənlər üçün ayrılan büdcənin dəyəri təxminən 8 milyard dirhəm (800 min dollar) təşkil edir.
Bölgələrdəki əhalinin üçdə ikisinə bərabər olan ölkədə 2,8 milyon insanın zəlzələdən zərər çəkdiyini paylaşan Laçka, dağılan evlərin sayının 32 faizinin tamamilə, qismən zərər görənlərin isə 59 min 675-ə çatdığını bildirib.
Xatırladaq ki, sentyabrın 8-də Mərakeşdə 7 bal gücündə zəlzələ baş verib, episentri Mərakeşin Əl-Huz bölgəsində olub. Təbii fəlakət zamanı 3 minə yaxın insanın öldüyü, 6 min 125 nəfərin yaralandığı açıqlanıb.
