Misir prezidenti Əbdülfəttah əs-Sisi Qahirədə səfərdə olan Rusiya Təhlükəsizlik Şurasının katibi Nikolay Patruşevi qəbul edib.
Busaat.az TASS-a istinadən xəbər verir ki, bu barədə Təhlükəsizlik Şurasının mətbuat xidməti bildirib.
“Təhlükəsizlik və iqtisadi yollar üzrə Rusiya-Misir əməkdaşlığı məsələləri müzakirə edilib. Moskva və Qahirə arasında BRİKS çərçivəsində əməkdaşlığa diqqət yetirilib”, – deyə məlumatda qeyd olunub.
Çərşənbə axşamı Patruşev Qahirədə təhlükəsizliklə bağlı Rusiya-Misir məsləhətləşmələri keçirib. Xüsusilə Ukrayna və Yaxın Şərqdəki vəziyyəti müzakirə ediblər. Danışıqlarda, həmçinin Rusiya ilə Misir arasında ikitərəfli və çoxtərəfli formatda əlaqələrin daha da möhkəmləndirilməsi müzakirə olunub.
