Moskva Vaşinqtonla normal münasibətlər qurmaq istərdi və bu ölkələrin əməkdaşlıq edə bilməməsi üçün heç bir səbəb görmür.
Busaat.az xəbər verir ki, bunu Rusiyanın xarici işlər naziri Sergey Lavrov amerikalı jurnalist Taker Karlsona müsahibəsində deyib.
“Hər halda bizim istədiyimiz indiki vəziyyət deyil. Təbii ki, biz bütün qonşularımızla normal münasibətlərin olmasını istərdik. Ümumiyyətlə, bütün ölkələrlə, xüsusən də ABŞ kimi böyük dövlətlə”, – deyə Lavrov Rusiya Federasiyası ilə ABŞ-ın müharibə vəziyyətində olub-olmaması sualını cavablandırıb.
“Biz Rusiya və ABŞ-ın kosmos naminə əməkdaşlıq edə bilməməsi üçün heç bir səbəb görmürük”, – Rusiya XİN rəhbəri əlavə edib.
