Moskvanın şimal-qərbində, keçmiş maşınqayırma zavodunun yerində yerləşən hosteldə yanğın baş verib. Yanğının sahəsi 2000 kvadratmetrə çatıb, 300 nəfər təxliyə edilib. Busaat.az xəbər verir ki , bu barədə “İnterfaks” Rusiya Fövqəladə Hallar Nazirliyinin bəyanatına istinadən məlumat yayıb.
“Yanğın sahəsi 2000 kvadratmetrdir. 60 nəfər xilas edilib. Yanğınsöndürənlər gələnə qədər 300 nəfər binadan təxliyə edilib”, – məlumatda deyilir.
İdarədən əlavə ediblər ki, yanğının söndürülməsinə 130-dan çox yanğınsöndürən, bir Ka-32 helikopteri və yanğın qatarı da daxil olmaqla 45 texnika cəlb olunub.
Ölənlər barədə məlumat yoxdur.
Yanğın binanın dam örtüyünün qismən dağılmasına səbəb olub.
Yanğının hansı şəraitdə baş verməsi araşdırılır.
