NASA-nın Mars kosmik gəmisi Curiosity Qırmızı Planetdə heyrətamiz gün batımının görüntülərini çəkib. Alatoranlıq kimi də tanınan bu gün batımı işıqları Qırmızı Planetdə ilk dəfə belə aydın şəkildə çəkilib.
Busaat.az xəbər verir ki, NASA-nın Mars kosmik gəmisi Curiosity Qırmızı Planetdə heyrətamiz gün batımının görüntülərini çəkib. Kosmik agentliyin verdiyi açıqlamada təsvirin Marsdakı buludların daha yaxşı araşdırılmasını təmin etdiyi bildirilib.
Mars buludlarının əhəmiyyətli bir hissəsi su buzundan ibarətdir və adətən 60 kilometrdən yuxarıda rast gəlinmir.
Digər tərəfdən, görünən odur ki, yeni təsvirdəki buludlar həm daha yüksəklikdə yerləşir, həm də daha soyuqdur.
Bu işarələr, göstərilən buludların karbon dioksid buzundan ibarət olduğunu deməyə əsas verir.
Yanvarın 27-də qeydə alınan ilk görüntüdə bir sıra rəngli şleyf formalı buludlar var. Bunlara gün batdıqdan dərhal sonra rast gəlinib.
