Nazir İrandakı səfirliyimizin fəaliyyətinin bərpası üçün şərtləri AÇIQLADI
Xarici işlər naziri Ceyhun Bayramov Azərbaycanın İrandakı səfirliyinin fəaliyyətinin bərpası ilə bağlı əsas iki məqama diqqət olunacağını deyib.
Jurnalistlərə açıqlamasında nazir deyib ki, əsas məsələ baş verən hadisə ilə əlaqəli istintaqın başa çatması və yekun qərarın qəbul edilməsidir.
Onun sözlərinə görə, ikinci məqam Azərbaycanla İran arasında danışıqlar zamanı səfirliyin fəaliyyətinin bərpa ediləcəyi təqdirdə onun təhlükəsizliyinə təminat verilməsidir: “Çünki insanlarımızın həyatını riskə ata bilmərik”.Report
