“Boko Haram” terror təşkilatının Nigeriyanın şimal-şərqində həyata keçirdiyi hücumda 10 nəfər həyatını itirib.
Busaat.az xəbər verir ki, bu barədə “Punch” qəzeti məlumat yayıb.
Mənbənin sözlərinə görə, “Boko Haram” terror təşkilatının üzvləri Borno əyalətinin Mafa bölgəsində tarla işçilərinə hücum edib.
Basqın nəticəsində 10 nəfər həyatını itirib, 9 nəfər isə qaçırılıb.
2000-ci illərin əvvəllərindən Nigeriyada mövcud olan “Boko Haram”ın 2009-cu ildən bəri təşkil etdiyi kütləvi zorakılıqlarda on minlərlə insan həyatını itirib.
Təşkilat 2015-ci ildən ölkənin sərhəd qonşuları Kamerun, Çad və Nigerdə də hücumlar həyata keçirir.
