Nigeriyanın Niger əyalətində sentyabrın 10-da qayığın batması nəticəsində həyatını itirənlərin sayı 30-a yüksəlib.
Busaat.az xəbər verir ki, bu barədə plkənin Fövqəladə Hallar üzrə Dövlət Agentliyinin (SEMA) sözçüsü Hüseyn İbrahim açıqlamasında bildirib.
Onun sözlərinə görə, sentyabrın 10-da Mokva çayında sərnişinləri daşıyan qayığın batmasından sonra davam edən xilasetmə işləri zamanı daha 4 nəfərin cəsədi tapılıb.
Qəzada həyatını itirənlərin sayının 30-a yüksəldiyini bildirən İbrahim, 30 nəfərin xilas edildiyini söyləyib.
O, çoxlu sayda insanın itkin düşdüyünü və axtarışların davam etdiyini vurğulayıb.
Xatırladaq ki, sentyabrın 10-da Cabba bölgəsindən Nigeriyanın Niger əyalətinin Kainji bölgəsinə doğru yola çıxan qayıq Mokva çayında aşıb. Qayıqda təxminən 100 nəfərin olduğu öyrənilib.
Nigeriyada yağışlı mövsümdə çaylarda qayıq qəzaları baş verir.
