Qərbi Afrika ölkələrindən olan Nigeriyada bu il vəba epidemiyasında həyatını itirənlərin sayı 94-ə yüksəlib.
Busaat.az xəbər verir ki, bu barədə Nigeriya Xəstəliklərə Nəzarət Mərkəzi (NCDC) məlumat yayıb.
Mərkəzdən bildirilib ki, son bir ayda ölkənin 23 əyalətində 201, yanvar ayından bu yana isə 2860 vəba hadisəsi qeydə alınıb, epidemiyadan ölənlərin sayı isə 94-ə yüksəlib.
“Vibrio” bakteriyasının törətdiyi və qida və su ilə yoluxan virus ishala və orqanizmdə susuzluğa səbəb olur.
Xəstəlik müalicə olunmazsa, ölümlə nəticələnir.
Nigeriyada təmiz suyun və effektiv tibbi müdaxilənin olmaması xəstəlik və ölüm riskini artırır.
Ölkədə malyariya, poliomielit, tif və meymun çiçəyi kimi epidemiya xəstəliklərə də tez-tez rast gəlinir.
