Nigeriyanın cənubundakı Delta əyalətində yanacaq daşıyan tankerin partlaması nəticəsində 20 nəfər həyatını itirib.
Busaat.az xəbər verir ki, bu barədə yerli mətbuat məlumat yayıb.
Bildirilib ki, Delta əyalətinin Varri-Benin avtomobil yolunda benzin daşıyan tankerdə naməlum səbəbdən partlayış olub.
Hadisə nəticəsində 20 nəfər ölüb, çoxlu sayda insan yaralanıb, bəzi evlərə ziyan dəyib.
Səlahiyyətlilər bölgəyə yanğınsöndürmə briqadalarının göndərildiyini və hadisə ilə bağlı araşdırmalara başlanıldığını bildirib.
Yaralıların müalicə altına alındığını deyən səlahiyyətlilər, ölənlərin sayının artacağından narahat olduqlarını ifadə ediblər.
