Nigeriyanın Kogi əyalətində yanacaq tankerində baş verən partlayış nəticəsində 11 nəfər ölüb.
Busaat.az xəbər verir ki, bu barədə Nigeriya Yol Təhlükəsizliyi Dərnəyinin sözçüsü Bisi Kazeem açıqlama verib.
Açıqlamada İtobe-Anyibqa şosesində yoldan çıxan yük maşınının yanacaq tankerinə çırpıldığı və sonra partlayış baş verdiyi bildirilib.
Partlayış nəticəsində 11 nəfərin öldüyünü qeyd edən Kazeem çox sayda insanın yaralandığını, magistral yolda 20 avtomobilin yararsız hala düşdüyünü qeyd edib.
Kazeem bölgəyə təcili yardım və yanğınsöndürmə qruplarının göndərildiyini və yanğının nəzarət altına alındığını vurğulayıb.
O, yaralıların nəzarətə alındığını bildirərək ölənlərinin sayının artması ilə bağlı narahatlığını dilə gətirib.
Busaat.az
