Rusiya Təhlükəsizlik Şurasının katibi Nikolay Patruşev Çinin xarici işlər naziri Van Yi və Monqolustan Milli Təhlükəsizlik Şurasının katibi Cadambin Enxbayar Moskvada üçtərəfli təhlükəsizlik məsləhətləşmələri keçirib.
Busaat.az xəbər verir ki, bu barədə Rusiya Təhlükəsizlik Şurasının mətbuat xidməti məlumat yayıb.
Onun sözlərinə görə, görüşdə regional təhlükəsizlik məsələləri üzrə ətraflı fikir mübadiləsi aparılıb.
“Birgə maraq doğuran geniş spektrli məsələlər üzrə üçtərəfli əməkdaşlığın perspektivləri müzakirə edilib. Rusiya, Monqolustan və Çin arasında beynəlxalq arenada və çoxtərəfli formatlarda əməkdaşlıqla bağlı mövzular nəzərdən keçirilib”, – məlumatda deyilir.
Patruşev bundan əvvəl Monqolustan və Çin nümayəndələri ilə ayrıca ikitərəfli məsləhətləşmələr aparmışdı.
