“Cinsi məzmunlu videolara baxmaq istəyəndə bir daha düşünün. Bu, kahinlər və rahibələr də daxil olmaqla, bir çoxlarının düşdüyü bəladır”.
Busaat.az xəbər verir ki, bu barədə Papa Fransisk açıqlamasında bildirib.
Katolik Kilsəsinin ruhani lideri Papa Fransisk etiraf edib ki, keşişlər və rahibələr də internetdə cinsi məzmunlu videolara baxırlar.
Katolik kilsəsində dini təhsil alan tələbələrlə görüşə qatılan Papa rəqəmsal və sosial media ilə bağlı sualları cavablandırıb. Tələbələri internetdəki təhlükəli məzmunlara qarşı xəbərdar edən 85 yaşlı Papa, “Cinsi məzmunlu videolara baxmaq istəyəndə bir daha düşünün. Bu, kahinlər və rahibələr də daxil olmaqla, bir çoxlarının düşdüyü bəladır” – deyə, tələbələri xəbərdar edib.
Təkcə kriminal videolardan bəhs etmədiyini bildirən Papa, böyüklər üçün çəkilən bütün filmlərin “günah” olduğunu və bu məzmunların “ruhu zəiflətdiyini” qeyd edib.
Rəqəmsal dünyanın adamı olmadığını və hədiyyə olaraq verilən telefonu da geri qaytardığını ifadə edən Papa əlavə edib: “Ancaq diqqətli istifadə etməlisən. Rəqəmsal pornoqrafiya kimi bir şey var. Oradan şeytan həyatınıza daxil olur”.
Qeyd edək ki, Katolik Kilsəsi böyüklər üçün nəzərdə tutulmuş pornoqrafik filmləri cinayət hesab edir.
Busaat.az
