Pentaqon orduda intiharların sayını azaltmaq üçün əsgərlərin psixoloji dəstəyə çıxışını asanlaşdıracaq yeni araşdırmalara başlayıb.
Busaat.az xəbər verir ki, müdafiə naziri Lloyd Ostin tərəfindən verilən bəyanatda orduda intiharların qarşısının alınmasını araşdırmaq üçün işçi qrupunun yaradılması tələb olunur.
Nazir komandirlərə və hərbçilərin ailələrinə intiharların qarşısını almaq üçün daha çox səy göstərmələrini tövsiyə edib.
Ostin ABŞ Müdafiə Nazirliyinə psixi sağlamlıq mütəxəssislərinin məşğulluğunu artırmağı əmr edərək bildirib: “Həmkarlarımız üçün psixoloji dəstək imkanları daha geniş olmalı və bu xidmətlərə çıxış asan olmalıdır”.
Qeyd edək ki, ABŞ hərbi hissələrində intihar probleminin illik icmalında, intiharların əksəriyyətində odlu silahdan istifadə müəyyən edilir.
Busaat.az
