Polşa hökuməti Ukraynanı yalnız əvvəllər razılaşdırılmış silahlarla təmin edir.
Busaat.az xəbər verir ki, bu barədə Polşa hökumətinin sözçüsü Piotr Müller Polşa Mətbuat Agentliyinə bildirib.
“Silah və döyüş sursatının tədarükü ilə bağlı suallar kontekstində sizə deyə bilərəm ki, Polşa yalnız əvvəllər razılaşdırılmış döyüş sursatı və silah tədarükünü həyata keçirir”, – agentlik onun sözlərini sitat gətirib.
Müllerin sözlərinə görə, bu, 1989-cu ildən bəri Polşa müdafiə sənayesi tərəfindən imzalanmış ən böyük xarici müqavilədir.
Müllerin xatırlatdığı kimi, Polşada beynəlxalq yardım mərkəzi fəaliyyətini davam etdirirdi və onun vasitəsilə Ukraynaya silah tədarükü həyata keçirilir.
Xatırladırıq ki, Polşa müharibənin ilk aylarında Rusiyanın Ukraynaya hücumunun qarşısını almaq üçün əsas rol oynayan tanklar, zirehli texnikalar, təyyarələr və döyüş sursatları verib.
Bir gün əvvəl Polşanın baş naziri Mateuş Moravietski demişdi ki, Polşa artıq Ukraynanı heç bir silahla təmin etmir. O, bildirib ki, Polşa indi öz ordusu üçün müasir silahlar alır və artıq böyük sifarişlər verib.
Bundan əvvəl Polşa Ukrayna silahlı qüvvələrinə təxminən 3 milyard dollar dəyərində MiQ-29 təyyarələri, T-72 və 14 Leopard 2 tankları, artilleriya mərmiləri və digər döyüş sursatları, daşınan yer-hava raket sistemləri, pilotsuz uçuş aparatları təhvil verib.
